Gaalkacyo (Halqaran.com) – Maxkamadda Darajada koowaad ee ciidamada Qalabka sida ee Gobollada Mudug iyo Cayn ee Puntland ayaa ugu dambeyn maanta dil toogasho ah ku xukuntey 8 rag oo la sheegay inay ka tirsanaayeen Ururka Al-Shabaab.
Raggaan ayaa Xeer ilaalinta Maxkamadda Ciidamada Puntland ku eedeysay inay ahaayeen Shabakad dilal iyo qaraxyo ka geysan jirey magaalada Gaalkacyo gaar ahaan dhinaca Galmudug.
Garsooraha Maxkamadda ayaa sheegay in kadib markii loo helay cadeymo raggaan iyo markhaatiyaal lagu riday xukun dil toogasho ah, hayeeshee ay heystaan inay racfaan ka qaataan Xukunka.
Maamulka Puntland ayaa todobaadkii hore waxaa ay xukun dil toogasho ah ku fulisay 21 rag ah, kuwaas oo 18 kamid ah toogashadooda ka dhacday Magaalada Gaalkacyo, halka Saddexda kale lagu kala toogtay magaalooyinka Garoowe iyo Qardho.
Xafiiska Wararka Halqaran.com
Halqarannews@gmail.com
