Muqdisho (Halqaran.com) – Ra’iisul Wasaaraha Xukuumadda Federaalka ah ee Soomaaliya Mudane Maxamed Xuseen Rooble iyo Midowga Musharraxiinta ayaa goor dhow Shir uga furmay Hotelka Decale ee magaalada Muqdisho.
Waxaa shirkan sidoo kale ka qeyb galay Madaxweynaha maamulka Hirshabelle, guddoomiyaha gobolka Banaadir iyo Mas’uuliyiin kale.
Shirkaan oo ah kii 3-aad, waxaana looga hadlayaa xaaladda Siyaasadda ee dalka gaar ahaan dhanka doorashooyinka.
Mr Rooble iyo Midowga Musharraxiinta ayaa waxaa horay u dhexmaray labo kulan oo lagu dejiyay guud ahaan xaaladda dalka, waxaana sidoo kale lagu waddaa in kulankaan looga hadlo doorka ay ku leeyihiin Musharraxiinta hannaanka doorashooyinka dalka.
Kulankaan ayaa ah mid si weyn isha lagu hayo, maadaama looga hadlayo Arrimaha doorashooyinka.
Wixii ka soo baxa kulankaasi kala soco wararkeena dambe ee Halqaran News
Xafiiska Wararka Halqaran.com
Halqarannews@gmail.com
