Muqdisho (Halqaran.com) – Madaxweynaha Dowlad Goboleedka Hirshabeelle Cali Gudlaawe Xuseen ayaa Sabtidii maanta hoygiisa Magaalada Muqdisho ku booqday Madaxweynihii hore ee Dalka Xassan Sheekh Maxamuud.
Labadan mas’uul ayaa waxa ay kulankooda uga wada hadleen arimaha Doorshooyinka dalka ee uu weli muranka ka taagan yahay iyo iyo Dajinta Xaaladaha Cakiran ee dhashay rabshadii dhacay.
Madaxweynaha Hirshabeelle Cali Guudlaawe ayaa la sheegay in uu bilaabay doorkiisa ku aadan dhex-dhexaadinta xaalada taagan iyo sidii looga gudbi lahaa, iyada oo ay xusid mudan tahay in Musharraxiinta ay maanta ku dhawaaqeen banaanbaxyo kale.
Madaxweynaha Dowlad Goboleedka Hirshabeelle Cali Gudlaawe Xuseen ayaa Magaalada Muqdisho u yimid ka qeyb-galka shirka wadatashiga doorashyinka ee uu dhawaan ku dhawaaqay Madaxweynaha muddo xileedkiisa uu dhamaaday ee Maxamed Cabdullaahi Farmaajo.
Xafiiska Wararka Halqaran.com
Halqarannews@gmail.com
