Muqdisho (Halqaran.com) – Madaxweynaha JF Soomaaliya, Maxamed Cabdullaahi Farmaajo oo maalmihii la soo dhaafay ku sugna Magaalada Dhuusamareeb ee Caasimadda Galmudug ayaa dib ugu soo laabtay Magaalada Muqdisho.
Madaxweyne Farmaajo ayaa Magaalada Dhuusamareeb uga qeyb-galay shirka Madaxda dowladda, dowlad Goboleedyada iyo Gobolka Banaadir, kaas oo an wax natiijo ah kasoo bixin oo fashil ku soo dhammaaday.
Waxaa lagu wadaa in Madaxweynaha hortago kulan uu isugu yeeraya labada Aqal ee Baarlamaanka Soomaaliya si uu ugu jeediyo khudbad uu kaga hadlayo xaalada dalka.
Kulanka Baarlamaanka ee maanta ayaa isha lagu wada hayaa maadaama uu ku soo aaday xilli mudad xil heynta Madaxweyne Farmaajo ay ka harsan tahay hal Maalin.
Xafiiska Wararka Halqaran.com
Halqarannews@gmail.com
