Muqdisho (Halqaran.com) – Ra’iisal Wasaaraha Xukuumadda Federaalk ah ee Soomaaliya Maxamed Xuseen Rooble ayaa Weriye Maxamed Ibraahim Macalimuu u magacaabay Afhayeenka Xukuumadda.
War qoraal oo ka soo baxay Xafiiska Ra’iisal Wasaaraha ayaa lagu shaaciyay magacaabidda Afhayeenka cusub ee Xukuumadda.
“Ra’iisal Wasaaraha Xukuumadda JF Soomaaliya Mudane Maxamed Xuseen Rooble ayaa Maxamed Ibraahim Macalimuu u magacaabay Afhayeenka Xukuumadda Federaalka Soomaaliya.” Ayaa lagu yiri qoraalka.
Weriye Macalimuu ayaa hadda ahaa Xoghayaha Guud ee Ururka Saxafiyiinta Soomaaliyeed ee FESOJ.
Sidoo kale, Macalimuu ayaa muddo dheer ku soo jiray Saxaafadda, isagoona ka mid yahay Wariye-yaasha kuwooda sida weyn looga garanayo dalka, waxaana uu la soo shaqeeyay Idaacadda BBC-da iyo kuwo kale.
Xafiiska Wararka Halqaran.com
Halqarannews@gmail.com
