London (Halqaran.com) – Dalka UK ayaa noqotay waddankii ugu horreeyay ee meel mariya talaalka cudurka safmarka ah ee Covid-19.
Xoghayaha caafimaadka Britain Matt Hancock ayaa sheegay in talaalka la bilaabayo isbuuca soo socda.
Matt Hancock ayaa sheegay in ahmiyad gaar ah la siin doono dadka waayeelka ah iyo shaqaalaha caafimaadka oo talaalka ugu horreeya helaya.
Waaxda caafimaadka ee NHS loo yaqaan ayuu sheegay in ay dadka la xiriiri doonto. UK waxay dalbatay ilaa 40 malyuun oo dose oo talaalka ah.
Cudurkaan safmareenka ah ayaa wuxuu saameyay dunida oo dhan iyadoo dalka Ingiriiska ay ka mid yahay wadamada uu aadka u saameyay Cudurkan.
Dalka UK ayaa ah dalka ugu dhimashada badan ee cudurka karoonaha, gudaha qaarada Yurub, waana dalka shanaad ee adduunka ugu dhimashada badan.
Xafiiska Wararka Halqaran.com
Halqarannews@gmail.com
