Sh/Dhexe (Halqaran.com) – Iyadoo maalmihii la soo dhaafay lagu arkay deegaanno iyo degmooyin ka tirsan Gobolka Shabellaha dhexe Ayax farabadan ayaa baabi’iyay dalagyo farabadan oo tacbanaa.
Meelaha ugu daran ee Ayaxa lagu arkay ayaa waxaa kamid ah Degmooyinka Ceelbaraf, Aadan-Yabaal iyo Mahadaay iyo deegaano hoostaga.
Ayaxan ayaa waxaa ka cawday beeralayda iyo xoolo dhaqatada ku nool gobolka Shabeellaha dhexe.
Muqtaar oo kamid ah Beeraleyda ku nool tuulooyin u dhow degmada Ceelbaraf ayaa sheegay in dalagyada Beero dhowr ah oo ku yaalla Gobolka Shabeellaha Dhexe uu baabi’iyay Ayaxa, islamarkaana tuulooyin kale uu ku sii fiday.
Beeraleygan ayaa xusay, in Ayaxa uu Shabeellaha Dhexe uga yimid deegaano kale, waxaana uu ugu baaqay Dowladda Soomaaliya iyo Maamulka Hirshabeelle inay wax ka qabtaan.
Si kastaba, Ayaxa ayaa horey waxaa uu ku habsaday Beero ku yaalla deegaano ka tirsan Maamullada, Puntland, Galmudug iyo deegaano kale, waxaana halkaasi buufinta Ayaxa ka billaabay diyaarado ay keeneen Hay’adaha FAO iyo USAID.
Xafiiska Wararka Halqaran.com
Halqarannews@gmail.com
