Muqdisho (Halqaran.com) – Guddoomiyaha Gobolka Banaadir ahna duqa Magaalada Muqdisho Cumar Maxamuud Maxamed (Cumar Filish) ayaa sheegay in weli Maamulka Gobolka Banaadir uu wado qorshaha uu uga hortagayo Cudurka Coronavirus oo kiisas kamid ah laga helay dalka.
Cumar Filish, ayaa sheegay, maamulka uu billaabayo qorshaha wacyigelinta iyo ka hortagga Cudurka COVID-19, islamarkaana weli uu yahay qatar ka jirta dalka ayna mas’uuliyiinta maamulka Gobolka Banaadir doorweyn ka qaadan doonaan ka hortagga cudurka.
Duqa Muqdisho Cumar Filish, ayaa hadalkiisa imaanaya, xilli toddobaadyadii la soo dhaafay uu hoos u dhacay kiisaska Cudurka Coronavirus ee Soomaaliya.
Dowladda Soomaaliya ayaa qaaday xayiraadihii Covid-19 dartiis dalka loo saaray, kaddib markii uu hoos u dhaceen dadkii uu soo ridanayay.
Halka hoose ka dhageyso Codka Duqa Muqdisho Cumar Filish:
Xafiiska Wararka Halqaran.com
Halqarannews@gmail.com
