Denmark (Halqaran.com) – Wararka ay warbaahinta Halqaran.com, ka helayso dalka Denmark ayaa sheegaya, in Soomaalida ku nool waddankaasi ee laga hela cudurka Coronavirus (Covid-19) lagu xirayo katiinad GBS ah, si loola socdo dhaq-dhaqaaqooda.
Soomaalida ku dhaqan dalka Denmark ayaa lagu soo warramayaa in aysan u hoggaansamin awaamiirta dowladda, kaddib markii uu Cudurka Coronavirus dib ugu soo laba kacleeyay dalkaasi.
Dowladda Denmark ayaa awaamirta ay ku soo rogtay dalkaasi ayaa waxaa ka mid ah, in aan la isku imaanin iyo in aan guryaha laga soo bixin,
Balse waxaa la soo warrinayaa, in qofka Soomaaliga ah ee uu haleelo cudurka Coronavirus lagu xiro katiinad GBS ah si loola socdo dhaq-dhaqaaqiisa, sida ay ogaatay warbaahinta Halqaran News.
Xasan Qaasim Daahir oo ka mid ah Soomaalida deggan Denmark oo la hadlay laanta Af Soomaaliga BBC-da ayaa arrintaasi sheegay inay jirto.
Haddaba halka hoose ka dhageyso Wareysiga oo dhammeystiran:
Xafiiska Wararka Halqaran.com
Halqarannews@gmail.com
