Muqdisho (Halqaran.com) – Dowladda Mareykanka ayaa sheegtay, in ay rajo wanaagsan ka qabto natiijada shirka Dhuusamareeb 3, ee lagu waddo in uu maalmaha soo socda uu ka furmo magaalada Dhuusamareeb ee Caasimadda Galmudug.
War kasoo baxay Safaaradda Mareykanka ee Soomaaliya ayaa lagu xusay in baahida loo qabo wadatashiyo iyo isu tanaasul dhab ah oo furo u noqda in is afgarad laga gaaro, nooca doorasho ee raali la isaga yahay.
Sidoo kale, Mareykanka ayaa ugu baaqday dhammaan dowladda dhexe , Maamul Goboleedyada, Baarlamaanka iyo daneeyayaasha siyaasadda in ay taageero u muujiyaan Shirka Magaalada Dhuusamareeb.
“Waa in doorashada waqtigeeda ku dhacdaa, iyadoo aanu jiri doonin wax muddo kororsi” ayaa lagu yiri Warka kasoo baxay dowladda Mareykanka.
Xafiiska Wararka Halqaran.com
Halqarannews@gmail.com
