Muqdisho (Halqaran.com) – Waxaa maalinta berri oo Sabti ah la filayaa in ay dib u bilaawdaan duulmaadyada diyaaradaha jaadka ka keeni jiray Kenya ee imaan jiray Soomaaliya, kuwaas oo horay loo joojiyay sababo la xiriira Cudurka Coronavirus oo kiisas kamid ah laga helay labada dal ee Soomaaliya iyo Kenya.
Guddoomiyaha Ganacsatada Qaadka Kenya ayaa sheegay in labada dal ee Soomaaliya iyo Kenya ay heshiis ka gaareen keenista qaadka,i sla markaana ay dowladda Soomaaliya fasaxday, balse shuruud lagu xiray.
Waxaa uu sheegay in shuruudaha ay Dowladda Soomaaliya ku xirtay ay kamid yihiin kordhinta canshuurta laga qaado qaadka Soomaliya ay Kenya kento, lagana dhigo 1-kg ($-3.5) halkii markii hore ay ka aheyd ($-1) iyo in sidoo kale dadka qaadka iibiya ay kala fogaadaan 2 mitir, xirtaana gacmo gashi iyo weji xir si looga hortago xanuunka COVID-19.
War kaan kasoo baxay Ganacsatada Jaadka Kenya ayaa weli Dowladda Soomaaliya weli aysan ka hadlin, hayeeshee Warar la helay ay sheegayaan in Golaha Wasiirrada Soomaaliya ee xilka siihaya ay shalay ogolaadeen.
Ugu dambeyn, Qaadka ay Kenya keento dalka Soomaaliya ayaa waxaa ka Ganacsada Soomaali farabadan, kuwaas oo ku maareeya Nolosha qoyskooda,waxaana duulimaadyadii Caalamiga ahaa ee la joojiyay uu dadkaasi ku yeeshay saameyn ballaaran.
Xafiiska Wararka Halqaran.com
Halqarannews@gmail.com
