Muqdisho (Halqaran.com) – Waxaa Arbacada maanta ah la filayaa in Xildhibaanada Golaha Shacabka Federaalka ay kulankoodii caadiga ahaa ay ku yeeshaan Xarunta Villa Hargeysa ee Magaalada Muqdisho.
Ajandaha kulanka maanta ee Golaha shacabka ayaa waxaa uu yahay dhamaystirka iyo u codeynta wax Ka badalka Sharciga xisbiyadda siyaasadda, iyadoo horey Sharcigaas loo marsiiyay akhrinta koowaad iyo labaad.
Xildhibaanada Golaha Shacabka ayaa xalay waxaa loo diray fariimo ku aadan in uu jiro kulan, isla markaana Mudanayaasha laga doonayo inay kasoo qeyb galaan kulankaas, si loo dardar-gerliyo howlaha shaqo ee Baarlamaanka horyaalla.
Golaha shacabka ayaa waxaa horyaalla hindise sharciyeedyo hortebin u leh dalka, waxaana la filayaa in ay meel mariyaan muddada u harsan baarlamaanka 10-aad oo waqtigiisu gabaabsi yahay.
Qaban qaabada kulanka ayaa hadda ka socota Xarunta Villa Hargeysa oo Golaha ay ku shiraan xilliyada ay fariisanayaan.
Xafiiska Wararka Halqaran.com
Halqarannews@gmail.com
