Muqdisho (Halqaran.com) – Wasiirka Wasaaradda waxbarashada DF Soomaaliya, Mudane Cabdullaahi Goodax Barre ayaa shaaciyay xilliga rasmiga ah ee la qaadi doono imtixaanada kala duwan ee dalka gaar ahaan kuwo dugsiyadda dhexe iyo Sare.
Mr. Goodax ayaa sheegay in ka dib markii Wadatashiyo kala duwan ay la qaateen qeybaha kala duwan bulshadda in ay isku raaceen in 11 bishaan la qaado Imtixaanka dugsiyadda Dhexe halka dugsiyadda Sare la qaado 18 Bishaan.
Sidoo kale, waxaa la kordhiyay dhammaan xarumaha kala duwan imtixaanka lagu galaayo si looga hortago inuu faafo cudurka Coronavirus (Covid-19).
15-ka bisha August ee foodda nagu soo heysa ayaa lagu wadaa in dib loo furi Iskuullada, halka Jaamacaddaha la furi doono 5 Bisha Sebtamber.
Halka hoose ka akhriso War-saxaafadeedka Wasaaradda Waxbarashada:
Xafiiska Wararka Halqaran.com
Halqarannews@gmail.com
