Muqdisho (Halqaran.com) – War ka soo baxay xafiiska Qaramada Midoobay ee Soomaaliya, ayaa lagu taageeray hadalkii ka soo yeeray guddoomiyaha guddiga Madaxa banaan ee Doorashooyinka Qaranka, Xaliimo Ismaaciil Ibraahim (Xaliimo Yareey) oo ay ku shaacisay nooca doorasho ee dalka ka dhici karto 2020/2021.
Qoraal ka soo baxay Qaramada Midoobay ayaa waxaa loogu mahadceliyay Guddoomiye Xaliimo Yareey ay soo bandhigtay noocyada farsmo ee lagu gaari karo ku guuleysiga Doorasho toos ah oo Soomaaliya ka dhacda horraanta Maarso 2021.
“Guddoomiye Xaliimo waxa ay soo bandhigtay noocyo doorasho, Qaramada Midoobay ee Soomaaliya waxa ay boorrinaysaa wadatashi ballaaran oo ay yeeshaan hoggaamiyeyaasha siyaasadda Soomaaliya si loo gaaro Isfahan, si hore loogu sii socdo, kulanka qorsheysan ee Dowladda Federaalka iyo Dowladaha Xubnaha ka ah Federaalka waa tallaabo yididiilo leh oo xigta‘‘, ayaa lagu yiri qoraalka ka soo baxay QM.
Guddoomiyaha Guddiga Madaxa bannaan ee Doorashooyinka Qaranka Xaliimo Yareey ayaa Sabtidii shalay Kulankii Golaha Shacbaka ka hor sheegtay in guddiga u baahan yahay 13 Bilood si loo qabto doorasho.
Xafiiska Wararka Halqaran.com
Halqarannews@gmail.com
