Koonfur Afrika (Halqaran.com) – Ganacsade Soomaaliyeed, ayaa xalay lagu dilay Magaalada East london ee Gobolka Eastern Cape ee Koonfur Afrika, kadib markii ay toogteen koox hubaysan oo Burcad Koonfur Afrikaan ah.
Marxuumka la dilay waxaa lagu Magacaabi jiray Daahir Carte, isagoo ahaa Ganacsi caan ka ahaa East london ee Gobolka Eastern Cape.
Booliska Koonfur Afrika oo tagay goobta dilka uu ka dhacay ayaan ku guuleysan inay soo qabtaan gacan ku dhiiglayaashii ka dambeeyay dilkaasi loo gaystay muwaadinka Soomaaliyeed.
Koonfur Afrika waxaa ku soo badanaya dilalka arxandarada ah ee loo gaysanaayo muwaadiniinta Soomaaliyeed ee halkaasi shaqooyinka ganacsiga u jooga.
Ugu dambeyn, burcadda madowga ayaa dhac iyo boob u gaysta goobaha ganacsiga ee Soomaalida ay leeyihiin, waxaana jirta inay sii kordhayaan dhibaatada shacabka loo gaysanayo.
Xafiiska Wararka Halqaran.com
Halqarannews@gmail.com
