Dhadhaab (Halqaran.com) – Ciidamada Booliska dalka kenya ayaa shaaciyay magaca ninkii hoggaaminayey weerarkii Habeen hore lagu qaadey Saldhig ay leeyihiin Ciidamada Booliska Kenya oo ku yaalla deegaanka Sareedo, kaas oo ay ku geeriyoodeen dad Arday u badan.
Weerarka oo ka dhacay Xilli habeen ah tuulada Sareedo ee deegaanka Dhadhaab ee ismaamulka Gaarisa ayaa waxaa ku dhintey 4 Ruux oo isugu jira Saddex Arday iyo mid kamid ah Ciidamada Ammaanka.
Guddoomiyaha deegaanka Dhaddaab, Kibet Bowen ayaa shacabka ugu baaqay inay muujiyaan feejignaan dheeri ah maadaama ay bateen Weerada Al-Shabaab, isla markaana ay la Shaqeeyaan Hay’adaha Amniga.
Ugu dambeyn Booliska Kenya ayaa xusay in weerarkaasi uu ka dambeeyey nin lagu magacaabo Mawliid Bilaal, kaasi oo ka hor inta uusan ku biirin Al-Shabaab macallin ka ahaa isuul ku yaalla deegaankaas.
Xafiiska Wararka Halqaran.com
Halqarannews@gmail.com
