Jabuuti (Halqaran.com) – Madaxweynaha Jamhuuriyadda dalka Jabuuti, Mudane Ismaaciil Cumar Geelle ayaa ka hadlay qaraxii dadka badan ay ku dhinteen ee shalay ka dhacay Ex-Kontrol Afgooye ee magaalada Muqdisho.
Mudane Geelle ayaa sheegay in u jeedka qaraxaasi laga lahaa uu ahaa wiiqidda xasilloonida ka jirta Soomaaliya.
Wuxuu madaxweynaha Jabuuti sidoo kale sheegay in dalka Jabuuti ay ka go’antahay caawinta iyo garab istaagidda shacabka Soomaaliyeed ilaa ay ka helayaan xaalad deganaasho ah.
Madaxweyne Geelle ayaa sheegay in ay tahay in su’aal leyska weydiiyo weerarrada iyo qaraxyada dhimashada badan geysta ee ka dhaca magaalada Muqdisho.
Ugu dambeyn, madaxweynaha Jamhuuriyadda dalka Jabuuti Ismaaciil Cumar Geelle ayaa ka tacsiyeeyay dadkii ku dhintay qaraxii khasaaraha badan geystay ee Sabtidii shalay ka dhacay Ex-Kontrol Afgooye ee magaalada Muqdisho.
Xafiiska Wararka Halqaran.com
Halqarannews@gmail.com
