Muqdisho (Halqaran.com) – Taliyaha Ciidanka Booliska Soomaaliyeed, Cabdi Xasan Xijaar ayaa sheegay in taliska Ciidanka Booliska ay isbadel ku sameyn doonaan Ammaanka Caasimadda Muqdisho.
Waxaa sheegay taliyuhu in Magaalada Muqdisho ay ku soo kordhin doonaan Kontoroollo Cusub iyo baro kale oo loogu tala galay in laga xaqiijiyo Ammaanka Muqdisho.
Taliye Cabdi Xasan Xijaar ayaa waxa uu xusay in dhawaan la howlgali doono inta badan saraakiisha Ciidanka Booliska Soomaaliyeed, islamarkaana isgoys walba la geyn doono Ciidamo iyo taliyahooda si ay halkaasi Ammaankeeda u xaqiijiyaan.
Wuxuu hadalkiisa ku soo gabagabeeyay in lala xisaabtami doono Saraakiisha Ciidanka Booliska ee xukumo Saldhigyadda Booliska magaalada Muqdisho.
Halka Hoose ka dhageyso Codka Taliyaha:
Xafiiska Halqaran.com, Muqdisho
Halqarannews@gmail.com
