Dhuusamareeb (Halqaran.com) – Waxaa maanta magaalada Dhuusamareeb ee Gobolka Galgaduud ka dhacay laba Banaanbax oo iska soo horjeeda.
Banaanbaxyada ayaa waxaa dhigaayay dad kala taageersan dowladda Federalka Somaliya iyo Maamulka Ahlu Sunna ee Gobolka Galgaduud.
Qaar ka mid ah dadka Banaanbaxa dhigaayay ayaa waxa ay wateen Boorar ay ku qoran yihiin erayo ka dhan ahaay Ahlu Sunna, waxaana ka mid ahaay Eraydaasi “ Dowlad diid dooni mayno”.
Sidoo kale dadkii taageersanaa Ahlu Sunna ayaa dhankooda ku dhawaaqayay erayo ka dhan ah dowladda Federalka Somaliya.
Intii Banaanbaxyada ay socdeen ayaa Ciidamada Booliska ee Magaalada Dhuusamareeb waxa ay kala eryeen dadkii Banaanbaxyada dhigaayay.
Waxaa iminka deggan Xaaladda Dhuusamareeb, waxaana socda Shirar kala duwan oo Magaalada gudaheeda ah.
Xafiiska Halqaran.com, Muqdisho
Halqarannews@gmail.com
