Kismaayo (Halqaran.com) – Madaxweynaha dowlad goboleedka Jubbaland Mudane Axmed Maxamed Islaam (Axmed Madoobe) ayaa u ambabaxay Magaalada Nairobi ee dalka Kenya.
Mudane Axmed Madoobe ayaa diyaarad gaar ah wax ay ka qaaday Magaalada Kismaayo, waana safarkii ugu horreeyay ee uu kaga ambabaxo Kismaayo tan iyo markii dib loo doortay.
Madaxweynaha Jubbaland ayaa waxa uu safarkaan ku aaday Magaalada Nairobi uu ku qotomaa sidii uu ula soo kulmi labaay Siyaasiyiin ka soo jeeda Gobolka Gedo.
Gobolka Gedo ayaa waxaa ka taagan xiisad siyaasadeed oo u dhaxeysa Jubbaland iyo Maamulada Degmooyinka Gobolka oo ka soo horjeestay Axmed Madoobe.
Dowladda Federaalka ah ee Soomaaliya ayaa gadaal ka riixeysa xiisadaha Siyaasadeed ee ka taagan Gobolka Gedo, sida ilo lagu kalsoonyahay ay u xaqiijiyeen Halqaran.com.
Madaxweynaha maamulka Jubbaland ayaa isku dayaya inuu xal dhammeystiran u keeno xiisada Gobolka Gedo, islamarkaana uu xaliyo tabashada ay qabaan Siyaasiyiinta Gobolkaasi ka soo jeeda.
Ugu dambeyn, maamulka Jubbaland iyo dowladda Soomaaliya ayaa waxaa ka dhaxeeya dagaal siyaasadeed ka dhashay dib u doorashadii Axmed Madoobe ee Kismaayo dib loogu doortay.
Xafiiska Wararka Halqaran.com
Halqarannews@gmail.com
