Muqdisho (Halqaran.com) – Taliye cusub oo loo magacaabay Saldhiga booliska degmada Boondheere ee gobolka Banaadir, kaddib markii taliyhii hore ee ciidamada booliska Soomaaliyeed Sabtidii shalay xilkii laga qaaday.
Sarkaalka cusub ee loo magacaabay xilka Taliyaha Saldhiga Booliska Boondheere ayaa waxaa lagu magacaabaa Dhamme Cabdi Shiikh Ciise, kaasi oo si toos ah shaqada ula wareegay.
Degmada Boondheere ayaa waxaa ka dhacay habeen hore dil uu gaystay Askari ka tirsan Ciidamada Booliska Soomaaliya, kadib markii uu rasaas ki furay haweenay umul aheyd iyo wiil dhalinyaro ahaa.
Shacab kala duwan oo ka careysan dilka loo gaystay labadaasi ruux ayaa Banaanbaxyo rabshado wato Sabtidii shalay ka dhigay Degmada Boondheere, taasi oo keentay ugu dambeyn in xilkii laga qaaday Taliyaha Saldhiga Booliska Boondheere.
Sidoo kale, isbeddelo ayaa la filayaa in ay ka dhacaan Saldhigyada Degmooyinka Gobolka Banaadir, waxaana suuragal ah maalmaha soo socda inay dhacaan isbedeladaan.
Xafiiska Wararka Halqaran.com
Halqarannews@gmail.com
