Muqdisho (Halqaran.com) – Ra’iisul Wasaaraha Xukuumadda Federaalka Soomaaliya, Mudane Xasan Cali Khayre ayaa xalay magacaabay Wasiiru dowlaha Wasaaradsa Ganacsiga iyo Warshadaha Xukuumadda Federalka Soomaaliya.
Digreeto ka soo baxday Xafiiska Ra’iisul wasaare Kheyre, oo laga sii daayay Warbaahinta dowladda ayaa magacaabistaan lagu sheegay.
Mr. Khayre ayaa Cabdiqaadir Shariif Sheekhuna Maye u magacaabay Wasiiru Dowlaha Wasaaradda Ganacsiga iyo Warshadaha.
Wuxuu beddelayaa Daahir Cabdi Cabdullaahi (Dr. Go) oo horeyn u haayay xilkaasi wasiiru dowlanimo ee Wasaaradda Ganacsiga iyo Warshadaha Soomaaliya.
Cabdiqaadir Shariif Sheekunaa Maye ayaa waxa uu ahaa Guddoomiyihii Baarlamaankii Koowaad ee Maamulka Koonfur Galbeed, balse soo xulustii Xildhibaanada Koonfur Galbeed iyo Doorashadii Guddoonka Baarlamaanka ee maamulkaasi kama qayb galin.
Ugu dambeyn, Cabdiqaadir Shariif Sheekunaa Maye sida muuqata waxaa lagu qanciyay in xubin Wasiir laga siinayo Golaha Wasiirada Soomaaliya sidaasna booska ugu baneeyo booska Guddoomiyaha Baarlamaanka Koonfur Galbeed oo dowladda Soomaaliya ay gaysatay shaqsi la sii ogaa inuu doorashada ku soo baxayo.
Xafiiska Wararka Halqaran.com
Halqarannews@gmail.com
