Baledweyne(Halqaran.com) – Ra’iisul Wasaaraha Xukuumadda Federalka Soomaaliya Mudane Xamse Cabdi Barre iyo Madaxweynaha maamul gobolleedka Hirshabeelle, Cali Cabdullaahi Guudlaawe, ayaa kormeeray ciidamada militeriga ee la dagaallamaya kooxaha argagixisada.
Ra’iisul Wasaare Xamse ayaa ku ammaanay ciidamada guulaha ay ka gaareen deegaannada laga xoreeyay kooxda Alshabaab ee gobolka Hiiraan isaga oo ku tilmaamay inay yihiin geesiyeyaal difaacaya Diinta, Dalka iyo Dadka Soomaaliyeed.
Madaxweynaha ayaa ciidamada la wadaagay inay garab taagan yihiin, ayna u diyaar garoobaan xoojinta howlgalada lagu ciribtirayo Kooxaha Nabad diidka ee ka socda deegaanada iyo degmooyinka Gobolka Hiiraan.
Ra’iisul wasaare Xamse ayaa Ciidanka faray inay siidardar galiyaan xoojinta howlgalada ka dhan ah Urarka Al-shabaab ee ka socda deegaanada iyo degmooyinka Gobolka Hiiraan.
Xafiiska Wararka Halqaran.com
Halqarannews@gmail.com
