Muqdisho Halqaran.com) – Faah faahin ayaa kasoo baxeysa qarax xoogan oo oo Ka dhacay Magaalada Muqdisho gaar ahaan inta u dhexeeysa Hotel Afrik iyo Bar Koontarool oo Ciidanka amniga dowladda ku leeyihiin wadada aadan Garoonka Aadan Cadde.
Qaraxa oo ahaa mid jugtiisa laga maqlay inta badan degmooyinka Gobolka Banaadir ayaa waxaa fuliyay qof isku soo xiray Jaakad waxyaabaha qarxa ah, isla markaana isku dhex qarxiyey gaadiid taagnaa Barta Koontarool ee laga ilaaliyo wadada aadan Garoonka, aadna ugu dhow Isgoyska KM-4 ee Magaalada Muqdisho.
Xilliga qaraxa dhacayay Waxaa Barta Koontarool ka ku sugaa gaari uu saarnaa Taliyiha Saadka ee Ciidanka xoogga dalka Janeraal Garabey, Wasiirka Haweenka Xaniifo Xaabsade iyo gudoomiyaha degmada Warta-Nabadda Saynab Xaabsey iyo masuuliyiin kale.
Ilaa iyo hada waxaa la xaqiijiyay in qaraxa ay w ku dhinteen ilaa Afar Ruux oo laba askar yihiin, qof Shacab ah iyo Ninkii naftiisa haligay walow khasaaraha intaasi uu kasii badan karo maadaama dhaawacyo qaarkood culus yihiin la geeyay Isbitaallada.
Xafiiska Wararka Halqaran.com
Halqarannews@gmail.com
