Afgooye(Halqaran.com) – Waxaa saakay degmada Afgooye lagu dilay kormeerihii guud ee wasaaradda waxbarashada gobolka Shabeellaha Hoose ee maamulka Koonfur Galbeed.
Cali Shaanlow Cali, ayaa lagu soo waramayaa in kooxo hubeysan ay ku dileen xaafadda Xaawo-taako ee Degmada Afgooye.
Wasaaradda waxbarashada Koonfur Galbeed ayaa tacsi u dirtay qoyskii uu ka geeriyooday marxuum Cali Shanlow iyo dhammaan bahda waxbarashada, iyadoo ugu baaqday hay’adaha ay khuseyso in ay baaritaanno ku sameeyaan cidda dilka ka dambeysay.
Laamaha Amniga degmada Afgooye ayaa gaaray goobta uu ka dhacay dilka, waxaana ay sameeyeen baaritaano.
Xafiiska Wararka Halqaran.com
Halqarannews@gmail.com
