Hiiraan (Halqaran.com) – Wararka naga soo gaaraya gobolka Hiiraan, ayaa sheegaya, in uu sii kordhayo dagaalka kacdoonka shacabka iyo maleeshiyaadka Al-Shabaab u dhaxeeya, iyadoona hub looga furtay Al-Shabaab dagaal ka dhacay gobolka Hiiraan.
Warar lagu kalsoon yahay oo ay helayso mareegta Halqaran.com, ayaa sheegaya in deegaanka Ceel-Cali oo ka tirsan gobolka Hiiraan in dagaal uu ku dhexmaray dhallinyaro is abaabushay oo la magacbaxday macawiisleyda gobolka Hiiraan iyo maleeshiyaad ka tirsan Al-Shabaab, dagaalka ayaa socday muddo ku dhow laba saacadood.
Dagaalka ayaa ku bilowday weerar ay soo qaadeen Macawiisleyda, wararka ayaa intaa ku daraya in goobta dagaalka ay ku dhinteen tobaneeyo Al-Shabaab ka tirsan, isla markaana uu jiraan tiro dhaawacyo badan ah, sida uu warbaahinta dowladda u xaqiijiyey Maxamed Cali Istakiin oo taliye u ah kooxda macawiisleyda ku sugan gobalka Hiiraan.
Waxa uu intaa ku daray in laba dhallinyaro ah ay uga dhigtay dagaalka, ayna ku rajo weyn yihiin sidii kacdoonka ka dhanka Al-Shabaab looga hirgelin lahaa gobolka Hiiraan oo dhan.
→ Sii Akhri Wararka Kale ee Maanta:⇓
- 30 Sano kaddib Safaaradda Mareykanka oo si rasmi uga howlgashay Muqdisho
- Maxaa kala socotaa in Villa Somaliya ay abaabuleyso banaanbax lagu sumcad dilayo Xasan Sheekh & Sheekh Shariif?
- WAR CUSUB: Axmed Madoobe oo Jawaab adag ka bixiyay Natiijadii ka soo baxday Shirkii Iskaashiga ee Muqdisho
- XOG: Wasiirrada Puntland oo Shir deg-deg ah ka yeelanaya natiijadii ka soo baxday Shirkii Muqdisho (Maxa cusub?)
- Nabaddoon caan ahaa oo dhaawac Kismaayo ugu geeriyooday, ”Jubbaland ayaa shir-qooshay”
- XOG XASAASI: ‚‘‘Wixii Ilmo Sheekh Kulmiyay lama dhayalsan karo, loomana gafi-karo‘‘ waxa yiri..
W
Taliyaha kooxda macawiisleyda ayaa sheegay in dagaalkii maanta ay maleeshiyaadka Al-Shabaab uga furteen hub dhowr nooc ah.
Dagaalada Kacdoonka ah ee looga soo horjeedo Al-Shabaab ayaa ka socda gobollada Shabeellada Dhexe iyo Hiiraan, waxaana marar badan khasaare loogu geystay Al-Shabaab, bacdamaa ay shacabka iska diidaan in ay ku dhex noolaadaan cabsi iyo gumaad.
Xafiiska Wararka Halqaran.com
Halqarannews@gmail.com
