Baledweyne (Halqaran.com) – Sida qorshaha uu yahay maanta Magaalada Baledweyne ee xarunta Gobolka Hiiraan, waxaa gaari doona wafdi ka socda dowladda Federalka Soomaaliya oo sida gurmad.
Gurmadka ayaa ka ambabixi doona Magaalada Muqdisho, waxaana la gaarsiin doonaa Magaalada Baledweyne ee Xarunta Gobolka Hiiraan oo dhibaato ay ku haysato Bulshada halkaasi ku nool.
Mr. Maareeye Cabdi Xayir Maareeye ayaa sheegau in maanta gurmad ballaaran Baledweyne la gayn doono.
“Illaa iyo hadda waxaa ugu dhibaato badan oo qasaaraha ugu badan oo dalka ka dhacay ay tahay Degmada Beladweyne ee Gobolka Hiiraan, oo runtii dad gaaraya 300,000 oo qof dad ka badani ay ka qaxeen guryahoodii, dhamaan wixii ay heysteena ay ka baaba’een, oo ku sugan meel aad u kooban oo Beladweyne duleedkeeda ah.”Ayuu yiri Wasiir Maareeye.
Dadka reer Baledweyne ayaa waxaa haysata xaalad adag, waxaana xilligaan ay doonayaan helitaanka gurmad Bini,aadinimo oo ay ugu horeeyaan cunto & daawooyin.
Ugu dambeyn, guud ahaan magaalada Baledweyne waxaa buux dhaafiyay biyo badan oo Magaalada ku soo fatahay, waxaana dadka ay degan yihiin deegaanka Ceeljaale ee duleedka Baledweyne, halkaasi oo ay ku sugayaan gurmad inay ku helaan.
Xafiiska Wararka Halqaran.com
Halqarannews@gmail.com
