
Washington (Halqaran.com) – Madaxweynaha Mareykanka Donald Trump ayaa maanta xaqiijiyay dilka Hamza Bin Laden oo ahaa wiil uu dhalay hogaamiyihii hore ee Al Qacida, Osama bin Laden.
Bayaan uu Sabtida maanta ah kasoo saaray xafiiskiisa Aqalka Cad ayuu Trump ku sheegay, in Hamza Bin Laden lagu dilay howlgal ka dhan aha argagixisada oo laga fuliyay xadka u dhaxeeya Afghanistan iyo Pakistan.
Wuxuu sheegay in dhimashada Hamza aysan kaliyah dhaawac dhanka hogaanka ah ku aheyn Al Qacida, balse ay wiiqi doonto howlgallada iyo dhaqdhaqaaqyada muhiimka ah ee kooxda.
Warbaahinta Mareykanka ayaa horraantii bishi August sheegtay, in ay ilo wareedyo xaga mukhaabaraadka ah u sheegeen dilka ina Bin Laden. Xiligaas waxay warbaahintu sheegtay in ay ogaadeen in Xamza la dilay inti lagu guda jiray labadi sano ee lasoo dhaafay, laguna khaarijiyay howlgal uu Mareykanka ku lug lahaa.
→DAAWO MUUQAALLO KALE ,Sii Akhri Wararka Kale ee Maanta:⇓
- XOG CUSUB: Guddiga beesha Habar-gidir oo dalab cusub hordhigay DF Somaliya
- DEG DEG + DAAWO MUUQAAL: Madaxweynaha Somaliland ‚Biixi‘ oo sheegay inay joojiyeen Saldhigii Milatari ee imaaraadku uu ka dhisayey Berbera
- 3 qoddob oo muujinaya in Odawaa looga adkaan karo madaxtinimada Galmudug!
- DEG DEG + DAAWO MUUQAAL: Maxaa kajira in ciidankii Puntland ka soo baxeen Tukaraq? & Gen.Yaasin oo ka hadlay sababta! (Maxaa Cusub?)
Xamza ayaa ahaa canuga 15-aad ee 20-ka carruur ee uu ka tagay Osama Bin Laden. Waxaa dhashay xaaska saddexaad ee Osama, waxana sida la sheegay uu ku jiray da’da soddomeeyada. Waxaana lagu tirinayay inuu ahaa hogaamiye soo baxay oo yeelatay Al Qaacida.
Inta uusan dhiman waxay Waaxda Arrimaha Dibadda Mareykanka, madaxiisa saartay hal milyan oo dollar cidii soo sheegta goobta uu ku suganyahay.
Xigasho – VOA
Xafiiska Halqaran.com, Nairobi
Halqarannews@gmail.com