Hargeysa (Halqaran.com) – Saleebaan Cali Koore, oo wasiirka tamarta iyo biyaha maamulka Somaliland oo la hadlayey warbaahinta ayaa sheegay in xukuumadda uu ka tirsan yahay ay ku fashilantay wax ka qabashada colaadaha ka jira degmada Ceel-Afweyn ee gobolka Sanaag.
Wasiirka ayaa sheegaya in dhibaatooyinka ka jira degmadaasi ay soo jiitamayeen muddo 5 sano ah, balse ay haatan ka sii dareyso xaaladda.
Wuxuu xusay, wasiirku, in muxaafad iyo mucaarad loo baahan yahay in loo istaago, sidii wax looga qaban lahaa dhibaatooyiinkaasi.
Wasiirka Koore ayaa si gaar ah guddoomiyaha xisbiga mucaaradka Wadani Cabdiraxmaan Maxamed Cabdullaahi (Cirro) uga dalbaday inuu hormuud ka noqdo dadaallada lagu dhameynayo colaadaha ka taagan degmada Ceel-Afweyne.
Muddooyinkii dambe waxaa sii xoogeysanayay xiisadaha ka taagay degamada Ceel-Afweyn ka dib markii dhawaan lagu dilay in ka badan 7 ruux oo shaca ah.
Xafiiska Halqaran.com, Hargeysa
Halqarannews@gmail.com
