Muqdisho (Halqaran.com) – Kooxda Daacish ee Soomaaliya ayaa muuqaal ay soo duubtay ku muujisay inay dooneyso inay beegsato dalka Itoobiya.
Muuqaalkan ayaa lagu sheegay in Daacishta Soomaaliya ay baahineyso muuqaallo ku tarjuman luuqadda Amxaariga, oo ah mid ka mid ah labada luuqad ee dadka ugu badan ay ku hadlaan, dalka Itoobiya.
Khuburada dhinaca amniga ayaa sheegay in muuqaallada ku tarjuman luuqadda Amxaariga ee Daacish looga dan leeyahay in dagaalyahanno looga qorto dalka Itoobiya.
Muddo ka badan sannad waxaa Itoobiya ka jiray xasillooni darro inteeda badan ku salaysnayd dagaallo u dhexeeya qowmiyadaha kala duwan, waxaana khuburada amniga ay sheegeen in Daacish ay dooneyso in ka faa’iideystao arrintan.
Laanta Af Soomaaliga ee VOA-da ayaa warbixin dheer oo dhinacyo badan taabaneysa oo sir badan lagu sheegay ka diyaarisay. Hoos ka dhageyso.
Xafiiska Halqaran.com, Muqdisho
Halqarannews@gmail.com
