Muqdisho (Halqaran.com) – Wasaaradda Caafimaadka ee Xukuumadda Soomaaliya ayaa Talaadadii maanta ku dhawaaqdey in uu shaqa bilaabay Sheybaarka dhexe ee Qaranka oo lagu baarayo dadka uu gudaha dalka kula dhaco Cudurka Coronovirus (COVID-19).
Wasiirka Caafimaadka Soomaaliya, Fowsiya Abiikar Nuur oo Warbaahinta kula hadashay xarunta dhexe ee Sheybaarka Qaranka ayaa shaacisey in hadda wixiii ka dambeeya dadka uu ku dhaco Cudurka Coronavirus lagu baari doono Magaalada Muqdisho.
Fowsiya Abiikar Nuur ayaa sheegtay qalab ka maqnaa Wasaaradda oo qaarkood Hay’addo ay u keeneen inay suurtagal ka dhigeyso in Baaritaanka COVID-19 dalka gudihiisa lagu sameeyo.
Arrintaan ayaa noqonaysa mid guul ah haddii shaybaarka dowladda lagu baarayo dadka looga shakiyo Caabuqa Coronavirus, maadaama markii hore Kenya loo qaadi jiray.
Gudaha dalka Soomaaliya illaa hadda 7 kiis oo Covid-19 ayaa la diiwaangeliyay, waxaana maalmahan soo baxaya walaaca Bulshada ee la xiriira in Cudurka Bulshada dhexdeeda uu ku jiro.
Xafiiska Wararka Halqaran.com
Halqarannews@gmail.com
