Dhuusamareeb (Halqaran.com) – Waxaa Arbacadii maanta Magaalada Dhuusamareeb ee Xarunta Maamulka Galmudug, gaaray wafdi uu hoggaaminaayo Wasiirka Arrimaha Gudaha Somaliya Cabdi Maxamud Sabriye.
Wafdigaan ayaa ka ambabaxay Magaalada Muqdisho, waxaana Garoonka Dhuusamareeb ku soo dhaweeyay masuuliyiin kala duwan.
Inkastoo Wasiirka uusan wali Saxaafadda la hadlin, ayaa haddana tagitaankiisa Magaalada Dhuusamareeb waxa ay ku soo aadeysaa iyadoo Guddiga doorashada Galmudug ay soo saareen Jadwalka doorashada.
Waxaa jira diidmo la sheegaayo in Ahlu Sunna ay ka soo horjeedo jadwalka doorashada Galmudug, islamarkaana aysan ku qanacsaneyn.
Laaamaha ammaanka Dhuusamareeb ayaa Magaalada ka mamnuucay in lagu qabto Shir siyaasadeed aysan ogayn Hay‘addaha ammaanka Dhuusamareeb.
DF Soomaaliya ayaa si toos u maamuleyso doorashada dhawaan la filaayo inay ka dhacdo Magaalada Dhuusamareeb ee Gobolka Galgaduud.
Xafiiska Wararka Halqaran.com
Halqarannews@gmail.com
