Muqdisho (Halqaran.com) – Ra’iisal Wasaaraha Xukuumadda Federaalkak ah ee Soomaaliya, Xasan Cali Khayre ayaa magaalada Muqdisho kula kulmay Wakiilka gaarka ah ee Qaramada Midoobey u qaabilsan arrimaha Soomaaliya, Danjire James Swan.
Kheyre iyo Swan ayaa waxay Sabtidii ka wada hadleen Doorashooyinka Qaranka ee lagu wado inay dalka ka dhacaan 2020/2021 iyo sidii ay dunida Soomaaliya uga caawin laheyd, sidii ay ku gaari laheyd yoolka uu dalka hiigsanayso.
Wararka ayaa sheegaya in James Swan uu Ra’iisal Wasaare Khayre kala hadlay in aanay doorashooyinka ka dib dhicin waqtigooda.
Wararka ayaa intaa ku daraya in Ra’iisal Wasaare Khayre uu James Swan u caddeeyay in xukuumadiisu ay diyaar u tahay inay doorashooyinka ku dhacaan xilligooda.
Wakiilada Beesha Caalamka ayaa muddooyinkii ugu dambeysay dalka ka waday kulamo ay Madaxda Dowladda iyo Siyaasiyiinta Xisbiyada KMG ee dalka ka jira ugala hadlayen arrimaha doorashooyinka
Beesha Caalamka ayaa waxay u muuqataa mid soo fara-gelisay arrimaha dalka, ka dib markii ay isa soo tareen walaaca siyaasiyiinta mucaaradka, ee ku aadan inay ka baqdin qabaan in doorashooyinka kadib dhacaan xilligii loogu talagalay.
Xafiiska Wararka Halqaran.com
Halqarannews@gmail.com
