Dhuusamareeb (Halqaran.com) – Madaxweynaha JF Soomaaliya, Maxamed Cabdullaahi Farmaajo iyo wafdi uu hoggaaminayo ayaa galabta gaaray magaalada Dhuusamareeb ee xarunta maamulka Galmudug.
Waxaa garoonka diyaaradaha ku soo dhaweeyay madaxda xukuumadda Galmudug, Sheekh Maxamed Cali Xasan Shaakir, Wasiir arrimaha gudaha XFS, Wasirka amniga XFS, xildhibaanno iyo qeybaha kala duwan ee bulshada.
Madaxweyne Farmaajo safarkiisa waxaa ku wehliyay madaxweynaha Galmudug mudane Axmed Ducaale Geelle Xaaf.
Maxamed Cabdullaahi Farmaajo ayaa la filayaa in uu soo xiro shirka dib u heshiisiinta beelaha Galmudug oo maalmihii la soo dhaafay ka socday magaalada Dhuusamareeb ee xarunta dawlad goboleedka Galmudug.
Isniinta caawa munaasabad lagu qaban doono magaalada Dhuusamareeb ayaa lagu soo xiri doonaa Shirka dib-u-heshiisiinta beelaha Galmudug oo muddooyinkii dambe magaaladaasi ka socday.
Xafiiska Halqaran.com, Muqdisho
Halqarannews@gmail.com
