Muqdisho(Halqaran.com) – Madaxweynaha Soomaaliya Xasan Sheekh Maxamuud ayaa shir gudoomiyay Shirka golaha wadatashiga qaran oo maanta ka furmay Muqdisho.
Shirkaan ayaa waxaa ka qeyb galay Madaxweynayaasha Jubaland, Puntland,Galmudug, Hirshabeelle iyo Koonfur Galbeed.
Shirkaan oo uu madaxda maamul Goboleedyada isugu yeeray Madaxweyne Xasan Sheekh ayaa waxaa looga hadlayaa arrimo kala duwan oo kamid yihiin xaaladda abaaraha jira, amniga, siyaasadda, la dagaalanka Al-shabaab iyo sidii loo xjoojinta lahaa wadashaqeynta maamul Goboleedyada iyo dowladda Federaalka.
Warar la helayo ayaa waxaa ay sheegayaan in Shirka Golaha Wadatashiga Qaran uu socon doono muddo laba maalmood ah, isla markaana Madaxda ka qeyb galeysa ay dood adeg ku yeelan doonaa Shirka inta uu socdo.
Ugu dambeyn Shirkaan ayaa daba socdo kulankii fashilmay ee ay gudaha Muqdisho ku yeesheen Wasiirka maaliyadda dowladda dhexe iyo Wasiirada maaliyadda dowlad goboleedyada dalka, kaas oo ugu dambeyn lagu kala kacay, kadib markii Wasiirada ay heshiin waayeen.
Xafiiska Wararka Halqaran.com
Halqarannews@gmail.com
Halqarannews@gmail.com
