Muqdisho (Halqaran.com) – Taliyaha qeybta Ciidanka Booliska ee Gobolka Banaadir Farxaan Maxamuud Qaroole ayaa Caawa ka badbaaday qarax lagu eegtay duleedka Magaalada Muqdisho.
Qaraxa ayaa kolonyo galbineysay taliyaha lagula eegtay, halka loo yaqaano jaamacada Shabelle oo ku taalla wadada aada dhanka Afgooye,qaraxan oo jugtiisa laga maqlay xaafaddo ka tirsan deegaanka Ceelasha biyaha, waxaana ka dhashay khasaaro dhaawacyo ah oo gaaray afar kamid ah ilaalada Taliyaha.
wararka ayaa intaasi kusii daraya in xilliga la qarxinayey taliyaha Booliska gobolka Banaadir uu ka yimid dhinaca deegaanka Calamada, kuna soo jeeday Muqdisho.
Weli ma jiro wax war ah oo kasoo baxay laamaha amniga dowladda Federaalka Soomaaliya oo ay uga hadlayaan qaraxa uu ka badbaaday Taliyaha Booliska Gobolka Banaadir.
Xafiiska Wararka Halqaran.com
Halqarannews@gmail.com
