Xeraale(Halqaran.com) – Dagaal aad xooggan oo u dhaxeeya laba maleeshiyo Beeleed ayaa waxaa uu Maalintii labaad ka dhacay degaanka xeraale oo dhanka Galbeed ka xiga degmadda Balanballe ee Gobolka Galgaduud.
Dagaalka oo ahaa mid aad culus ayaa geystay khasaare isugu jira dhimasho iyo dhaawac, sida ay innoo xaqiijiyeen ilo dadka deegaanka ah.
Dagaalka oo salka ku haaya arrimo la xiriira dul daaqsimeed ayaa daba socday dagaalkii shalay ka dhacay degaankaas, inta la xaqiijiyay khasaaraha ka dhashay dagaalka waxa uu gaarayaa 20 Ruux oo dhimasho ah, halka ay ku dhaawacmeen in ka badan 30 kale.
Maleeshiyo Beeleedyadani ayaa kala hellaya Gurmadyo kala duwan taas oo dagaalka ka dhigtay mid qasaaro badan geysta.
Waxaa xusid mudan Dagaalkaan Khasaaraha badan dhaliyay wali maamul Goboleed ka Galmudug iyo Saraakiisha Ciidamada kama aysan Hadlin, waxaana inta badan degaanada Hoos yimaada Degmada Balanbale iyo Xeraale ee Waqooyiga Gobolka Galgaduud kusoo laa-laabta dagaalada noocaas oo kale ah ee beelaha dhex-mara.
Xaaladda ayaa haatan deggan, waxaase weli goobihii lagu dagaalamay isku horfadhiya maleeshiyaadka labada dhinac oo wada hub aruursi.
Xafiiska Wararka Halqaran.com
Halqarannews@gmail.com
