Garbahaarey(Halqaran.com) –Maamulka gobolka Gedo ayaa sheegay in ugu yaraan afar qof ay marayso tirada dadka gaajada iyo oonka ugu dhintay gobolka, arrintaas oo ka dhalatay xaalad darran oo abaar ah oo fara ba’an ku hayso deegaannada gobolka.
Dhawaan ayey aheyd markii Qaramada Midoobay ay sheegtay in abaartu saamaysay 80% Soomaaliya, iyadoo intaas ku dartay in abaarta ka jirta Soomaaliya ay kasii dari doonto labada bilood ee soo socda kadib markii ay yaraadeen roobabkii sannadkan waa sida ay hadalka u dhigeene.
Gobolka Gedo ayaa ka mid ah gobollada Soomaaliya ee ay saameysay abaarta kaddib markii ay baaqdeen roobabkii deyrta.
Qaar kamid ah Gobolada dalka ayaa waxaa weli kajira abaaro baahsan, kuwaas oo saameeyay dad iyo duunyo, iyada oo aysan jirin gurmadyo xoogan oo dadka loogu gurmanayo.
Xafiiska Wararka Halqaran.com
Halqarannews@gmail.com
