Muqdisho(Halqaran.com) Dowladda Federaalka ah ee Soomaaliya ayaa war kasoo saartay geerida Alle ha u nariistee majaajiliistihii caanka ahaa Cabdi Muriiddi dheere oo ku Magac dheraa (Ajakis), kaasi oo goordhaweyd ku geriyooday Muqdisho.
Ra’iisul Wasaaraha xukuumadda Federaalka ah ee Soomaaliya Maxamed Xsueen Rooble ayaa ka tacsiyeeyay Geerida Marxuumka.
“Allaha u naxariisto jilaagii caanka ahaa Cabdi Muriidi Dheere oo ku magac dheeraa Ajakis oo maanta ku geeriyooday Muqdisho. Waxaan tacsi u dirayaa qoyska marxuumka, asxaabtiisii, bahda fanka iyo saxaafadda iyo guud ahaan shacabka Soomaaliyeed”.
Ugu Dambeyn Marxuumka ayaa ka mid ahaa majaajiliistayaasha ugu caansan gayiga Soomaaliyeed, isagoo Ajakis caan ku ahaa Ruwaayadaha iyo Turjumidda Aflaamta , waxa uuna ka mid ahaa awl-wadeenada Tv-ga Universal.
Xafiiska Wararka Halqaran.com
Halqarannews@gmail.com
