Muqdisho(Halqaran.com) La-taliyaha amniga qaranka, Fahad Yaasiin ayaa Xarunta Nabad Sugidda iyo Sirdoonka Qaranka Ee NISA kulan kula qaatay dhammaan saraakiisha laamaha ammaanka ee dalka.
Kulanka oo ah mid xasaasi ah ayaa waxaa ka qeyb-galay taliyaha ciidamada Xoogga dalka, taliyaha ciidamada Booliska Soomaaliyeed, taliyaha NISA ee dhowaan magacaabay Yaasiin Farey madaxweynaha, taliyaha qeybta Booliska ee gobolka Banaadir, Farxaan Qaroole.
Kulanka kahor dhammaan xubnihii madasha xaadiray marka laga reebo Duqa Muqdisho ayaa loo sheegay in ay banaanka uga soo tagaan taleefanada iyo Faraantiyadda ay wataan, si aan wax sawirro ah looga qaadin, maadaama Fahad uu xasaasiyad gaara ka qaaday sawirro baraha bushaada lagu faafiyay oo todobaadkii hore garoonka Jabuuti looga qaaday
“ Wuxuu si cad u sheegay in taliyaha NISA aan banaanka laga keeni doonin oo laga soo dhex saari doono oo kaliya saraakiisha NISA ee hadda shaqeysa, wuxuuna tilmaamay in 4-ta talis ciidan ay isaga hadda wixii ka danbeeya hoostagayaan maadaama laga dhigay lataliyaha amniga qaranka”
Sidoo kale wararka ayaa intaasi ku daraya in shirkan intiisa badan diiradda lagu saaray arrimaha ammaanka, maadaama doorasho la galayo iyo xaaladaha soo kordhay ee dalka.
Xafiiska Wararka Halqaran.com
Halqarannews@gmail.com
