Baydhabo (Halqaran.com) – Hawlgal qorsheysan oo ay sameeyeen Ciidamada Maamulka Koonfur Galbeed ayaa waxaa u suuragashay in Shabaab ay kala wareegaan deegaano ka tirsan Gobolka Baay.
Saraakiisha Ciidamada Booliska Maamulka Koonfur Galbeed ayaa Warbaahinta u sheegay in Ciidamada ammaanka ay gaareen deegaano markii hore Al-Shabaab ay ku sugnaayeen.
Taliyaha qaybta Booliska Gobolka Baay ee Maamulka Koonfur Galbeed Mahad Cabdi raxmaan Aadan ayaa Warbaahinta u sheegay in ciidamadu ay gaareen tuulooyinka Goof-Gaduud Buurey , Awdiinle, buulo Jebi iyo tuulooyin kale oo ay horay ugu sugnaayeen Al-Shabaab.
Intii hawlgalkaasi lagu guda jiray Taliyaha ma uusan sheegin in Shabaab dagaal uu dhexmaray iyo in kale, balse sida Warbaahinta uu u sheegay Ciidamada Maamulka ayaa gaaray deeganadaasi.
Sidoo kale, taliyaha booliska Gobolka Baay ayaa sheegay in qorshaha uu yahay inay gaaraan deegaano kale oo Shabaab ay gacanta ku hayaan, si goobahaasi looga saaro.
Maleeshiyaadka Ururka Al-Shabaab ayaa ku sugan deegaano badan oo ka tirsan Maamulka Koonfur Galbeed iyaga oo si toos ah gacanta ugu haaya, halka deegaano kale ay go’doomiyeen.
Xafiiska Halqaran.com, Muqdisho
Halqarannews@gmail.com
