Kismaayo (Halqaran.com)- Wasiirka amniga Jubbaland Cabdirashiid Janan ee dowladda Soomaaliya ay horay u sheegtay inuu ka baxsaday halkii uu Muqdisho kaga xirnaa ayaa lagu soo dhaweeyay magaalada Kismaayo.
Wararka ayaa sheegaya in Janan ay dekadda Kismaayo ka dejisay doon ay ku wehliyeen mas’uuliyiin aan la shaacin magacyadooda.
Janan oo loo gudbiyey xarunta Madaxtooyadda Jubaland ayaa qorshuhu yahay in uu hadlo saxaafadda.
Bishii August, 2019 ayay ahayd markii Janan laga qabtay garoonka diyaaradaha ee Muqdisho, isagoo kusii jeeda caasiamdda Itoobiya ee Addis Ababa
Wasiirka amniga ee Maamulka jubaland ayaa Maxkamadda gobolka Banaadir ayuu hal jeer kasoo muuqday 6-da bishii October ee sanadkii lasoo dhaafay 2019-ka.
Dhinaca kale Taliye kuxigeenka Booliska Jen. Zakiya ay maalmo ka hor waxa ay shaaca ka qaaday in C/rashiid Janan uu ka baxsaday goobtii uu ku xirnaa hay’adaha amniguna ay ku raad joogaan.
Xafiiska Wararka Halqaran.com
Halqrannews@gmail.com
