Muqdisho (Halqaran.com) – Warar ay helayso warbaahinta Halqaran.com ayaa sheegaya, in goor-dhow xarunta Gobolka Banaadir saddex ruux oo ka mid ah Shaqaalaha Gobolka Banaadir la dhigay xabsiga.
Dadkaan ayaa waxaa xiray ciidamo uu hoghaaminaayo Taliyaha Qaybta Guud ee Booliska Gobolka Banaadir Saadaq Cumar Xasan.
Dadka la xiray ayaa waxaa ka mid ah Agaasime Ku xigeenka Shaqada iyo Shaqaalaha ee Gobolka Banaadir, ruux haweenay ah iyo shaqsi kale.
Ku-xigeenka Agaasimaha Shaqada iyo Shaqaalaha ee Maamulka Gobalka Banaadir Nuur Axmed Cali, ayaa sidoo kale ka tirsan Guddiga qaban qaabada Xil Wareejinta Guddoomiyaha cusub ahna duqa Muqdisho Cumar Maxamuud Maxamed “Finish”.
Ilaa iyo hadda lama oga sababta dadkaan ay u xireen Ciidamada Booliska dowladda Federalka Soomaaliya.
Saraakiil ka tirsan Ciidamada ammaanka ayaa Sheegay shaqsiyaadka la xiray in lagu sameynaayo baaritaano.
Wixii ku soo kordha kala soco Halqaran.com insha allaah.
Xafiiska Halqaran.com, Muqdisho
Halqarannews@gmail.com
