Garoowe (Halqaran.com) – Maxkamadda Sare ee Puntland ayaa Khamiistii maanta dil toogasho ah ku xukuntay Saddexda eedeysane ee loo haystay dilkii iyo Kufsigii Marxuumad Caaisha Ilyaas Aadan.
Dhageysiga dooda Maxkamadda ayaa muddooyinkii dambe ka socotay Maxkamadda Sare ee Maamulka Puntland.
Ugu dambeyn maanta ayaa Garsoorka Maxkamadda Sare ee Puntland waxa ay ayideen xukunkii maxkamada Racfaanka ee Gobolka Nugaal.
Saddexda nin ee maanta xukunka dilka toogashada ah lagu riday ayaa mid ka mid wuxuu maxkamadda horteeda ka qirtay inuu gaystay falka kufsiga Caaisha Ilyaas Aadan.
Ragga xukunka dilka ah lagu riday ayaa lagu kala magacaabaa.
1. Cabdishakuur maxamed Dige shiine
2. Cabdifataax Cabdirahman Warsame
3. Cabdisalaan Cabdirahman Warsame
Xafiiska Halqaran.com, Garoowe
Halqarannews@gmail.com
