Muqdisho (Halqaran.com) – Shil khasaare gaystay ayaa Khamiistii maanta waxa uu ka dhacay Isgoyska Aadan Cadde ee Magaalada Muqdisho, kadib markii gaari xamuul uu jiiray Mooto Bajaaj.
Wararka ayaa sheegaya, in mooto Bajaajta ay saarnaayeen laba ruux oo dumar ah iyo ninkii waday, waxaana halkaasi ku dhintay labadii ruux ee dumarka ahaay ee saarnaay Mootada.
Darawalkii waday gaariga wayn ayaa meesha ka cararay, kadib markii uu gaystay shilkaasi labada qof ay ku dhinteen.
Gaariga xamuulka ayaa hadda wuxuu yaalla Isgoyska Aadan Cadde ee Magaalada Muqdisho oo ah goobta shilka uu ku galay.
Ciidamada illaalada waddooyinka ee loo yaqaan Taraafikada ayaa tagay goobta shilka uu ka dhacay, waxaana meesha laga qaaday maydka labada ruux ee shilkaasi ku dhintay.
Xafiiska Wararka Halqaran.com
Halqarannews@gmail.com
