Baydhabo (Halqaran.com) – Madaxweynaha Dowlad Goboleedka Koonfur Galbeed, Mudane Cabdicasiis Xasan Maxamed (Laftagareen) ayaa kulan la qaatey Odeyaasha Dhaqanka Koonfur Galbeed.
Kulankan ayaa looga hadlay soo xulista Xildhibaanada iyo Dardar gelinta iswaa fajinta xildhibanada iyo Datuurka KGS oo ku xusan in Xildhibaanada Baarlamaanka Koonfur Galbeed laga dhigo 95 Xildhibaan meesha hadda ay kayihiin 149 mudane
Afhayeenka Odeyaasha Dhaqanka koonfur Galbeed Malaaq Deerow Yacquub Cali ayaa ka warbixiyey muhiimada kulanka iyo Waxyaabihii looga hadlay.
Malaaq Deerow ayaa sheegay in Madaxweyne Laftagareen uu codsaday in hoos loo dhigo tirada xildhibaanada maamulka Koonfur Galbeed.
Afhayeenka Odayaasha dhaqanka Koonfur Galbeed ayaa tilmaamay in la waddo daddaallo lagu qancinayo beelaha qaar oo arintaasi si weyn uga soo horjeeda.
Xafiiska Wararka Halqaran.com
Halqarannews@gmail.com
