Baledxaawo (Halqaran.com) – Ururka Al-Shabaab ayaa sheegay inay isku soo dhiibeen qaar ka mid ah maamulka Gedo ee Koonfurta Soomaaliya, sida laga baahiyay Warbaahinta Al-Shabaab.
Idaacada Andalus ee ku hadasha afka Shabaab ayaa laga sii daayay magacyada xubno la sheegay inay ka mid yihiin Maamulka Degmada Baled Xaawo oo go‘aansaday inay Shabaab isku dhiibaan.
Xubnaha Shabaab ay soo bandhigeen magacyadooda ayaa kala ah.
Xuseen Jibriil Ibraahim oo Shabaab ay sheegeen inuu ahaa guddoomiye ku xigeenka xafaadda 8-aad ee Baled xaawo.
Xuseen Sahal Aadan oo Shabaab ay ku sheegeen inuu ahaay guddoomiye ku-xigeenka xaafadda 7-aad ee Baled xaawo.
Cabdiweli Iftiin Barrow oo Shabaab ay ku sheegeen guddoomiyaha Xaafadda 7-aad ee magaalada Beledxaawo.
Ugu dambeyn Maxamed khaliif xasan ayeey ku sheegeen inuu ahaay guddoomiyaha xaafadda 8-aad ee magaalada Beled Xaawo.
Ilaa iyo hadda ma jirto ilo ka madax banaan Shabaab oo xaqiijinaya arrinta ku saabsan inay isa soo dhiibeen xubno ka tirsanaa Maamulka Degmada Baled Xaawo ee Gobolka Gedo.
Xafiiska Wararka Halqaran.com
Halqarannews@gmail.com
