South Korea (Halqaran.com) – Hoggaamiyaha Kuuriyadda Waqooyi Kim Jong-un ayaa soo muuqday markii ugu horreeysay muddo labaatan maalmood ah.
Wakaaladda wararka ee KCNA ayaa sheegeysa in hoggaamiyaha Kuuriyada Waqooyi uu xarigga ka jaray warshadda sameysa qalabka bac-riminta ee beeraha.
Wararka ayaa intaasi ku daraya, in dadkii ku sugnaa warshadda ay aad u farxeen markii ay arkeen hoggaamiye Kim Jon Un.
Kuuriyada Waqooyi oo ah dal ay adag tahay in laga helo xog ku saabsan madaxda sare ee dalkaas, waxaana adkaatay in la xaqiijiyo xaaladda caafimmaad ee Kim.
Maalmihii lasoo dhaafay waxaa soo baxayay warar kale oo sheegaya in hoggaamiyaha dalkaas uu galay qalliin dhanka wadnaha ah. Waxaa sidoo kale soo baxay warar kale oo sheegaya in Kim Jong Un uu nool yahay.
Xafiiska Wararka Halqaran.com
Halqarannews@gmail.com
