Dhuusamareeb (Halqaran.com) – Gudoomiyaha Baarlamaanka Galmudug, Maxamed Nuur Gacal oo ay wehlinayan guddoomiye Ku xigeenka 1aad, Cabdullaahi Xersi Maxamed iyo guddoomiye Ku xigeenka 2aad, Faadumo Cabdi Cali ayaa la kulmay Guddigii Doorashada Guddoonka Baarlamaanka.
Guddigan ayay shaqadoodu ahayd inay qaban qaabiyan doorashadii shalay lagu soo doortay Guddoonka Baarlamaanka Galmudug.
Kulankan oo ka dhacay Xarunta Shirkoole ee Magaalada Dhuusamareeb ayuu guddoonka Baarlamaanka Galmudug kaga mahadceliyay xubnaha guddiga shaqadii ay qabteen, inta harsana ay iyagu qaban doonaan.
Shaqada ugu horeyso ee laga doonayo Guddoonka Baarlamaanka Galmudug inay qabtaan ayaa ah qaban-qaabada iyo diyaarinta Doorashada Madaxweynaha Galmudug iyo Madaxweyne Kuxigeenka.
Musharaxiinta u sharaxan Xafiiska Madaxweynaha Galmudug ayaa la fillaya inay loolan adag ka geli doonaan qabasahda kursiga ugu sareeya ee Galmudug.
Xafiiska Wararka Halqaran.com
Halqarannews@gmail.com
