Sochi (Halqaran.com) – Madaxweynaha JF Soomaaliya, Maxamed Cabdullaahi Farmaajo oo ku sugan dalka Ruushka kana qeyb-galaya Shirka Iskaashiga Ruushka iyo Afrika ayaa waxaa uu kulan gaar ah la qaatay dhigiisa dalkaas Vladimir Putin.
Madaxweyne Farmaajo ayaa sidoo kale xalay ka qeyb galay Casho sharaf uu ku maamuusay Madaxweynaha Ruushka dhammaan Madaxda ka qayb gashay shirka Madasha Iskaashiga Ruushka iyo Afrika.
Wasiirka Wasaaradda Arrimaha Dibadda Xukuumadda Soomaaliya Axmed Ciise Cawad oo faah faahin ka bixinayay kulanka labada Madaxweyne ayaa sheegay in Madaxweynaha ruushka uu Soomaaliya u balan qaaday in uu ka taageero dagaalka ay Dowladda kula jiryo Al-Shabaab.
Waxaa uu sheegay Wasiirka in Aduunka uu muhiim u yahay dalalka Afrika oo ay Soomaaliya ugu weyn tahay, isla markaana dowladda Ruushka ay sheegtay inay Soomaaliya ka taageereyso dhinaca Ammaanka.
Ruushka ayaa ku dhawaaqay inuu ka cafiyay qaaradda Afrika deyntii uu ku lahaa, tan oo jid cusub u fureysa xiriir qoto dheer oo iskaashi uu Ruushka la yeesho Qaaradda dihin ee Afrika.
Halka hoose ka dhageyso Codka:
Xafiiska Wararka Halqaran.com
Halqarannews@gmail.com
